ما تنساش اللحظات الحلوة وسط الزحمة !

من النهاردة، جيب برطمان فاضي وورق صغير، وكل ما يحصلك حاجة حلوة اكتبها واكتب التاريخ وحطها في البرطمان.. مهما كانت حاجة صغيرة زي ان صديق قديم كلمك أو حد ماتعرفوش قدملك مساعدة بسيطة في الشارع أو حتى انك صحيت في يوم لقيت الجو جميل وانبستط بدون سبب، أو ان ربنا رزقك بحاجة فيها خير ليك او حسّسك انه قريب منك

وفي آخر السنة افتح البرطمان واقرأ اللحظات اللي فرحتك، واشكر ربنا ان السنادي كان فيها كل اللحظات الحلوة دي، هاتتفاجئ بحاجات كنت نسيتها وسط الأيام الصعبة Smile

حلوه أوى الفكره ديه فعلا

عارفه يا سارسور ساعات كثير بتحصلنا مشاكل فى حياتنا وحاجات كثير بتضايقنا بتخلينا ننسى اللحظات الحلوه اللى مرت علينا

ونشوف اِن حياتنا كلها وحشه وكئيبه مع اِن فى الحقيقه الحياه جميله ومليانه حاجات كثير حلوه أوى بتفرحنا وتبسطنا Smile

بس للى بيفتكر Very Happy

فعلا فكره رائعه جدا جدا

هطبقها ان شاء الله في 2014 ;D

تسلم إيدك يا قمر